#Hasptaal

Hasptaal.. behad ajib hi lagtaa hai naam,

chahal pahal machi hai.. doctor, patient yaa ho koi mehmaan.

unchi bani building.. hai sabhi suvidhaaan,aaraamdayk,

sundar v svachchh environment.. baahar garden main chhanti dhup men karte kuchh vishraam।

milnaa thaa kisi ko jo vahaa bharti thaa.. samay thaa kaattaa,

pahunchte hi vahaan kadam chalne lage ek andekhaa raastaa

bhulabhulaiyaa saa thaa..parchi par likhaa manjil se lekar kamre kaa pataa,

dishaaon ko apnaate aa pahunche kadam jis kamre thaa apnaa vaastaa

ek badaa saa kamraa..do karmchaari..bharti the kuchh 6/7 mrij vahaan,

apnaa bistar, chhotaa tv.. tebal kursi, v paani bharaa jag thaa sabko prdaan

badi si khaamoshi.. jo thi muphat ma mili.. maano gunge maahaul ma palte the vah insaan,

bolo to baithe..sahaare se uthte.. kamajori ma jakade, maasum bujurg the vahaan

soch ma dube vakt kaatte.. kabhi tv, to kabhi pustak padh lete kuchh gyan,

dopahar kaa bhaujan aataa hi hogaa.. table sajaakar baithe vah bhole insaan

aaakho ma halachal.. jo ho darvaaje par dastak, takatki lagaaa.. vah dikhte hairaan,

ummid ko apni paal ke rakhte, sabr n thaktaa le unkaa emtihaan।

soch men dubaa.. baithaa ek kone, utsuktaa se paltaa jo liyaa unkaa naam,

haal bhi puchhaa.. har baat ko jaanaa, umr se judi takliphon kaa sampurn n ho samaadhaan।

soch se dhilaa.. kamajori men jakadaa.. adhin huaa haalaat ke.. jo kal thaa chust v buddhimaan,

vakt kaattaa.. kasht paaltaa, jivanabhar ho nirbhar.. jo detaa thaa kitnon ko aaraam।

dabi dabi aavaaj ek aai.. baaju vaale bistar se, mudakar dekhaa rote usko.. bhaag ke aayi nars vahi pe,

lagtaa thaa udaas ho uthi.. gharvaalon ko vah yaad kare, bachchon si ruth ke baithi.. jiddi ban phariyaad kare।

de dilaasaa shaant kiyaa.. bhojan kaa phir naam liyaa, bachchon jaise aansu ponchhe.. kursi par baith khaaye seb kate,

dil maano pasij uthaa.. chaaron or ke aalam se, kaisaa jivan jite ye log.. baahri chahal pahal se ho pare

maanaa aayu ke rahte.. takliphe judti jaati hai, par akele jite jite.. takliphe bhi ghahri hoti jaati hai,

maanaa asptaal hai jruri.. sukh v suvidhaa de, par apne bujurgon ke saath men rahnaa.. dinacharyaa men apni khalal kare।

“bhaavuk maan ko rok n paayaa.. ulte pair baahar ko aayaa, khud ko laanat de rahaa.. mainne khud ke pharj n adaa kia..?”

haajri lagaane pahunchte hai.. dekh dilaasaa bhi dete hai, par asal men jo vah chaahte hai.. ham prdaan nahin kar sakte hai।

kaam kaaj hai jruri.. roti kamaanaa bhi hai jruri, bhaag daud ki hod men khokhle hote jaate hai,

parivaar kaa sukh hai uttam dhan.. savaarne men jivan ko ham aham avasar chhodte jaate hai।

kal ko ham bhi tham jaaange.. nirbhartaa men bandh jaaange, samay hi samay hogaa har or.. us ekaant ko kaise dhoyenge?

ham hai aaj.. kal bachche apne, vyast hai aaj aur vyast rahenge.. gujraa vakt to pachachhtaave ke aansu apni jeb me honge।

upalabdhi paanaa jivan lakshy ban chukaa, mashino ke adhin.. ham mashin se hi to dikhte honge,

ek se ek.. suvidhaaon ke rahte, khokhal apne tan man honge।

Hasptaal, vriaddh aashram ho.. sahaayak nikat madadgaar bhi ho, bhar nahin sakte khaali sthaan.. jo jal bin banjar dharti ho,

sinchnaa ho jo paudhe ko.. vriaksh ko apne jivan do, bujurg ko apne samay jo doge.. bachchon kaa man tum jit sako।

bhaavuk man men gahre bhaav.. utpann ho ab nikle hai, mere bhi hai bujurg kayi.. samjhu main apni jimmedaari unko,

hai praarthnaa ishvar se..kshamtaa meri bani rahe, sevaa hisse aaye mere..samay dun puraa apne bujurgon ko

Hasptaal.. behad ajib hi lagtaa hai naam…..!!!